الهيلوكبتر

ساعات وإنت فالموقف نفسه...بتبقى متخيل إن دى أسعد مرحلة فى حياتك ...مبتبقاش عارف اللى لسه مستنيك ...ويمكن سعادتك دلوقتى تتقلب وتتبدل ...

ساعات كمان بتبقى متخيل ان حزنك ده مش هينجلى... ومبتكونش فاهم انه ممكن يكون بوابة هتدخل منها لأيام تانية سعيدة ...

وعشان كده أنا بأحب أركب طيارتى الهيلوكبتر وأطير فوق حياتى.. كل فترة ببقى محتاجه أشوف أنا فين بالظبط على خريطة عمرى ...كنت فين ويقيت فين ...ومحتاجه أروح فين...

الحمد لله أنا راضية عن كل اختياراتى ...الغلط منها قبل الصح ...لأنى اتعلمت منها ...وماكونتش هأتعلم لو مكنتش غلطت ... وقعت كتير واتكسرت أكتر على ضخرة الحياة ... وفى كل مرة كنت بأفتكر إنى خلاص انتهيت ...وكنت باستغرب انى ازاى باقوم تانى ولسه عايشة...

بس عرفت انى باقوم عشان كل مرة اكون أقوى من اللى قبلها... عرفت انى باقوم عشان ارجع لربنا وأشكره ...عرفت انى باقوم عشان أتعلم ...عرفت إنى بأقوم عشان أستمتع بنعمة من أجمل النعم "الرضا"... يارب اللهم أنعم علينا بنعمة الرضا يارب

يللا اركب الهيلوكبتر بتاعتك وطير فوق حياتك ...واستمتع بالرحلة...

and as Paulo Coelho said "it is not the destination, but the journey , that counts"