زعلت بس بعد كده فرحت

زعلت صحيح لكن مينفعش ألوم حد على أخطائى.. بالذات إنى لو غلطت فى يوم فأنا غلطت وعقلى واعى...ولو عملت حاجه غلط ... كنت ساعات بأعملها وأنا حاسه أنها ممكن توصل للصح فى آخر الطريق لو النية صح... وده مكنش فى حد ذاته صح.. بس اتعلمت... زعلت صحيح لكن عمرى ماندمت... لأنى دايما كنت باتعلم وباحاول أتعلم من أخطائى... وأكبر درس اتعلمته؛ أن مش كل القواعد ينفع نكسرها  مهما كنا أقوياء ... ف قواعد عقولنا مبتقبلهاش ودى اللى ممكن نكسرها لحد مانعرف مغزاها.. لكن ف قواعد صحتها أزلية.. مهما حاولنا تغيير نتيجتها مش هنقدر... زعلت صحيح بس بعد كده فرحت لأنى عمرى ما خسرت.. بالعكس كنت باحوّل خسارتى لمكسب... اللهم لك الحمد والشكر... أستغفرك وأتوب إليك