أيام حادثة
بابا جم ناس من المنيا يقولولنا مكانتش حادثة،كان قتل...كنت هاتجنن ..مكنتش عارفه
أعمل إيه،أعرف الحقيقة إزاى ومنين..كنت هاتجنن لحد ما أثبتولنا إنها حادثة...مابال
اللى عرفوا ومتأكدين ان آباءهم اتقتلوا فعلا....قلوبهم أكيد مكوية بنار ..مش
عارفين يجيبوا حقوقهم ولاياخدوا بتارهم..وأحيانا بيكونوا عارفين القتله...
لما أختى منة جت
فى يوم تصرخ إن صاحباتها بيقولولها "ياحرام يامنة..بقيتى يتيمة"..حسيت بآلام الاطفال اللى أهاليهم اتقتلوا...هيكبروا ومنهم اللى هيفضل يطارد حقه وقاتل
أبوه..هيطارد اللى حرمه منه مع إنه كان ممكن يفضل معاه أكتر..طبعا الأجل ده بتاع
ربنا
لما بابا كان كل يوم بيموت وهو حى من اللى بيتقال عن ان الشرطة
كلها انسحبت وسابت مواقعها وهو فى شغله بال٦٠ يوم متواصل مبيجيش...ولما مات ف ناس
متعرفهوش قالوا أكيد طالما لواء شرطة يبقى قتل الثوار..انا كنت هاتجنن..افتكرت
الشرفاء النلاء اللى نزلوا يطالبوا بحقهم واتقال عنهم بلطجية أو مدفوعين...وحسيت
بحرقة قلوب أهاليهم وأحبابهم اللى عارفين كويس أد إيه هما شرفاء وأد إيه التصنيف
والتحزيب ده شئ مقزز جدا
لما أصحابى الاتنين..اخواتى اللى حلمنا سوا ل٢٠ سنة قدام..حلمنا
بأننا هنحكم الجامعة ..عميد ووكيل ورئيسة قسم..حلمنا بإن أولادنا هيلعبوا
سوا..وهنفضل سوا...لما باعوا وماتوا من حياتى..ودلوقتى كل مابافتكرهم مع انى مش
بانساهم بأبكى لأنهم ماتوا من حياتى وكنت محتاجاهم يعيشوا معايا أكتر...ربنا يديهم
طولة العمر...بافتكر اللى نزل وجنبه صاحبه ووقع قدام عينيه... بس
"كلامك مبيتفهمش...احساسك مبيتوصفش"
No comments:
Post a Comment