عزيزى الفاشل... الفشل ده زى تحويلة الطريق...تفتكر دى حاجه حلوة وللا وحشه؟؟ العالم المتضايقه هيقولوا إنى بأستهبل... بس أنا دلوقتى بأكلم الناس الرايقه اللى بتضحك على طول عشان دوول غالبا اللى العالم المتضايقه بيوصفوهم بالفشل...
قدامك دلوقتى حل من اتنين:
الحل الأول: تقف بالعربيه ...تتنرفز...تتنطط...تتزرزر...وتفضل واقف مستنى يشيلوا الجدار العازل...وف الحالة دى ف 3 حاجات لازم تفكر فيهم أهه تسلى نفسك برده وانت واقف:
· وضاع العمر ياولدى ...قصدى الفطار... ومفيش فايده ...مش هيشيلوا اللوحه عشانك..ولا مصر والجزائر هيعيدوا الماتش
- هل الدنيا هتقف عشانك...أبدا وحياتك ...ولو مش مصدق يبقى أنصحك تبطل تكلم مراية سنو وايت بتاعتك الصبح قبل ماتنزل عشان عمرها ما هتقوللك غير اللى كانت بتقوله للست مرات بابا سنو وايت ...سنو وايت أحلى يا مغفل... محدش هيقف ولا هيوقف حياته عشان حد مش عاوز يتحرك ولا يتقدم لقدام ...مستسلم ومعندوش خطه بديله ولا عنده مرونه يتأقلم مع الأمر الواقع حتى ...كل العربيات اللى وراك هتتحرك.. واللى يهمه أمرك يمكن منهم كل اللى هيعمله إنه هيعدى من جنبك ويشتمك وبعدين يلف ويمشى...
- كان ف واحد قزم راكب متوسيكل كان ماشى وراك ومكنش شايف الطريق... ولما وقفت شاف اليافته اللى قدامك بس قرر إنه هيستغلّلك أحسن إستغلال ...وهيعدى من خلالك فى الطريق المكسر (ده لأنه غالبا غبى...بس هنقول إيه ربنا بيسلط ناس على ناس !!! ويالسخرية القدر إن القزم يطلع أذكى منك !!!) ...بس مش هيعدى بالمتوسيكل عشان مش يتبهدل منه وينط من على شنطة عربية سعادتك مرورا بالسقف وأخيرا كبوت سعادتك...وينط من فوق الحاجز أو اليافته يعنى ... وطبعا لأنك الأذكى على الإطلاق فياإما هتقف تزعق من وراه وتنده عليه عشان يرجع ويعتذر ولما مش هيرجع طبعا هتقف تعيط عشان ماما جابتك ف الدنيا الوحشه دى ...أو هتعمل فيها سوبر كرومبو وتنط تجرى وراه عشان تمسكه ...بس إمسك كويس فى ماسورة البلاعه اللى هتقع فيها...
الحل التانى بقى إنك أول ماتلاقى الطريق متحوّل متفكرش كتير... تاخد القرار بسرعه وتلف وتمشى فى الطريق البديل اللى هتستعمله بدل الطريق اللى كنت مخطط تمشى فيه من الأول... ومتقعدش تقول أصعب وأطول... أمال الناس الرايقه إيه بس !!! ... إن شاء الله مش هيكون أصعب وأطول لإنك ف النهايه متعرفش مايمكن تلاقى فيه سوبر ماركت تانى أكبر ...ومش بس كده ده جنبه محل موبايلات تشترى منه كارت بدل ماكنت هتضربلك مشوار لمحل الموبايلات اللى بعدكوا بشارعين... ومين عالم مش يمكن تلاقى فيه مفاجآت تانيه مستنياك ... أمال الحياه إزاى تمشى كده على نفس الخط اللى راسمينه ...ده حتى ميبقاش ليها طعم ...وللا إيه؟!!!
J والآن أترككم للإستمتاع بالفشل ...
السلام عليكم
ReplyDeleteمتفق بصفة عامة مع الطرح
لكن لي ملاحظة على الهامش : من الأفضل ألا تقولي " سخرية القدر " لأن القدر من الله ومن أركان الإسلام الخمس : الإيمان بالقدر خيره وشره .. لذلك علينا أن ننتقي الألفاظ المناسبة حينما نتحدث عنه
والأمر الآخر
ذكرتني تدوينتك تلك بقول الشاعر
منمات فاستراح ليس بميتِ .. إنما الميت ميت الأحياء
إنما الميت من يعيش كئيباً .. كاسفاً باله قليل الرجاء
أشكرك من جديد على تدوينتك وتعليقك في مدونتي والذي أسرتني رؤيته . بصدق
دمتِ بود
شكرا جزيلا على الملحوظه وطبعا دى زله أكيد مقصدش الغلطه العظيمه دى
ReplyDeleteسبحانك اللهم وبحمدك ...نستغفرك ونتوب إليك
وشكرا جزيلا على مرورك
العفو
ReplyDeleteومفيش مشكلة أبداً
جل من لا يسهو
دمتِ بكل ود
بالمناسبة قابلت اليوم أختي الكبيرة حفظها الله هي وزوجها وتذكرتك
ReplyDeleteأتعرفي لماذا ؟
لأن اسمها غادة مثلك
السلام عليكم
ReplyDeleteهل تعليقي السابق ضايقك لدرجة جعلتك لا توافي حتى الآن على نشره ؟
على كل حال لو مناكشي فيه ضايقتك ورأيتِ بعد تجاوز رغم أني أراه رد سوي وخرج في كنف حسن النوايا
حينها فلكِ ما تريدي
بالمناسبة ضعي في حسبانك دائماً أني حينما أنتقد أو أعاتب حتى اي مخلوق تكون الابتسامة على شفتاي فلا تظني من تعليقي هذا ضجر أو ضيق منك
إن شاء الله
دمتِ بكل ود
لا والله يا أحمد بس مش شفت البلوج الا دلوقتى :)
ReplyDeleteوطبعا أهلا بيك فى أى وقت
وأنا متأكده من حسن النوايا
شرفت بمعرفتك
دمت سالما
السلام عليكم
ReplyDeleteولا يهمك خالص انسي الأمر واعتبريه من قبل المناكشة والتواد
دمتِ بود
هذه قصيدة جديدة للشاعر الكبير فاروق جويدة واسمها : وتبقين يا مصر فوق الصغائر قُمت بإلقائها بصوتي ويشرفني استماعك وزوارك لها
http://ahmedsherif-eg.blogspot.com/2010/01/blog-post_26.html
ما شاء الله .. ايه الإبداع ده كله .. نمسك الخشب
ReplyDeleteكل المدونين بقو بيكتبو باحترافيه .. و انا اللي واقع من قعر الأفه بقا ؟؟؟؟؟؟؟؟؟
يا ريت اتشرف بحضرتك على صفحات مدونتي المتواضعه
ra7alaat.blogspot.com
شكرا لك
@ أحمد الشريف: شكرا جزيلا يا أحمد على مرورك وعلى مشاركتى القصيده .. وبإذن الله أسمعها طبعا
ReplyDelete@ أحمد: شكرا جزيلا على كلماتك ...شرفنى مرورك بمدونتى ...
ReplyDeleteوشكرا على رابط مدونتك ... إن شاء الله أكون من الزوار المستديمين هناك