لحد ماصاحبت واحد من مصاصى الدماء... وكنت مبسوطه أوى بنفسى إنى كنت قادره أروضه وأأمن شره وأثبت للناس إنه أليف... لكنه على غفله فى رقصه معاه عضنى... والأسطورة واضحه جدا لو عضك مصاص دماء هتتحول وتبقى زيه ..مصاص دماء برده ... انا مش افتكرت الحكايه دى إلا النهارده .. أما حسيت بقد إيه أنا بقيت قاسيه مع الناس اللى بيحبونى .. أو مش قاسيه بس بأطلب كتير بالذات من القريبين .. وكأن هما اللى لازم يأمنولى إنهم مش يطلعوا مصاصين دماء فى الآخر.. مع إنهم مفيش ليهم ذنب ف اللى جرالى .. بالعكس دول كانوا بيحاولوا يحمونى...
بجد حاسه وحش أوى... أنا فعلا مش أنانيه ولا وحشه من جوايا كده ... أنا بحب كل الناس وعمرى ماكنت بأدوس على حد بالعكس أنا ممكن أدوس على نفسى عشان اللى حواليا.. وده برده غلط... بس أقصد إنى عمرى ما كنت أنانيه...واما آجى أبقى وحشه وأجيب حقى من الدنيا أتدوّر على اللى بيحبونى وبيخافوا عليا بجد!!!
حاسه إنى فى طريقى إنى أتحوّل وأبقى زى اللى عمل معايا كده الله يجازيه..أو يمكن أنا فعلا بقيت كده وأنا مش حاسه... بس بجد أنا بأقاوم ده ...عارف الإنسان اللى فجأة يتحول لكل اللى كان بيرفضه قبل كده؟؟ انا فعلا مش عارفه أنا بقيت كده وللا أنا اللى مكبره الموضوع... بس كل اللى حاساه إنى بقيت حد غير نفسى.. وأنا نِفسى أرجع نَفسى تانى..بجد يارب ميكونش ظنى صح ... حاسه إنى فى طريقى للجنون.. يارب أكون بس بيتهيألى... هأموت من الخوف....بجد آسفه أوى لنفسى ولكل اللى حواليا... أنا لازم أكون أقوى من كده....
السلام عليكم
ReplyDeleteأولاً أنا سعي بشدة لاستجابتك السريعة بتغيير ألوان مدونتك وقد غيرت القالب بمرته لآخر جميل ولطيف
ثانياً وهو الأهم : جميل أن تتصارحي مع نفسك لكن الأجمل أن تتفاءلي
ويكون عندك أمل للغد ونظرة مُشرقة
دمتِ بكل ود ولنا تواصل إن شاء الله